Muqdisho, April, 05, 2010, (SOMINA)-Shabaabka ayaa amar ku bixiyay in muddo saacado ah Idaacadaha Muqdisho ay sii daayaan Barnaamij ayaga u gaar ah, ayna joojiyaan wararka iyo barnaamijyada ka baxa Idaacadahaasi.

Suxufiyiin ka tirsan qaar kamid ah Idaacadaha maxalliga ah ee ka howl gala Magaalada Muqdisho oo diiday in magacooda la soo xigto   ayaa  sheegay in Shabaabka ku amreen in maanta aaneey tabi Karin barnaamijyo iyo warar intuba laga bilaabo 12:00pm (duhurnimo) marka idaacaduhu hawada ay soo galaan illaa laga gaarayo 03:00pm (galabnimo).

Go,aankan ka soobaxay Shabaab ayaa waxaa Saxaafadda soo gaarsiiyay nin magiciisa ku sheegay Yoonis, laakin magiciisa saxda ah uu yahay Xasan, waana ninka u caga jugleeya had iyo jeer Idaacadaha madaxa banana ee ka howlgala Magaalada Muqisho sida warka ay tibaaxayaan.

waraarka qaar ayaa sheegaya in Shabaab ay doonayaan in idaacadahu ay saacadahaas ay sii deynayaan hadalo ay Horjoogayaal Shabaab ka tirsan ka jeedin doonaan Majidka Abuu Hureyra oo ku yaala Suuqa Bakaaraha, halkasi oo ay maanta isugu imaan doonaan madax ka tirsan Shabaabka.

Maamullada Idaacadaha oo aan leheyn awood madax banaan oo xarumahooda ku maareeyaan ayaa arrinkaan si weyn uga carooday lakiin qasab ayey ku noqotay in ay aqbalaan maadaama ay Shabaabku kacteliyaan eeriyada ay ku yaalaan Idaacadaha.

amarkan  Shababka ay soo rogeen ayaa meesha ka saaraya Barnaamijyo, warar, Suugaan iyo duruus diini ah oo ka bixi jirtey Idaacadaha madaxa banana,taasi oo dad farabadan ay ku xiranyihiin.

Go,aankana ayaa soo baxay maalin kadib markii Uruka Xisbul Islaan ay Idaacadaha ku amreen in ay joojiyaan Hesaha iyo Musikada 10 beri kadib, sidoo kalana raga ka bar bardagaalamana aan loogu yeeri Karin Ajnabi,waxayna amar ku soo saareen in loogu yeero ragaasi ka barbardagaalama Muhaajireen.