waxaana Dekadda Magaalada Boosaaso buux dhaafiyay dad aad u fara badan oo isugu jira Ciidamada Booliska iyo kuwa Militariga iyo dad shacab ah oo isku dayaya in ay dabka doonidaasi qabsadey Bakhtiyaan.
Markii hore ayaa waxaa doontaasi lagu qalday in ay aheeyd Doon dhidaal qaada oo xiligaasi ka agdhoweyd Doonta dabka qabsadey iyadoo wararka haatan laga helayana magaalada Bosoaaso ay sheegayaan in doontii shidaalka ay bad baaday, balse doon kale oo ka adhaweyd uu dabku qabsaday.
“aniga waxaan arkayey doon yer oo dab xoog leh qabsadey xili aan galayey Dekeda abaarihii 8:30 daqiiqo,waxayna aheyd doonta Nuuca Rakaabka qaada” sidaasi waxaa Wakaalada Somina usheegey Abdi fataax Cali oo kamid ah shaqaalaha Dekeda Boosaaso.
Waxaa ilaa iyo hadda aan la ogeyn qasaaraha rasmiga ah ee ka dhashay doontaasi dabka qabsadey hase ahaatee hada uu socdo gurmad lagu daminayo dabkai.
Dhamaadkii sanadkii tagay ayey aheeyd Markii doon ku xirneyd meel aan sidaasi ugu fogeyn Dekadda Magaalada Boosaaso uu si lama filaan ah uga kacay dab xoogan, kaasoo markii dambe ku fiday qeybaha kale ee Dekadda.