Madaxda Ururka Midowga Afrika oo Kulan ku yeeshay Magaalada Adis Ababa ee Dalka Itoobiya ayaa isku raacay in waqtiga loo kordhiyo Ciidamada Midowga Afrika ee jooga Dalka Soomaaliya, Waxana Ururka uu isku raacay in loo kordhiyo 6-Bilood oo dheeri ah.
Gudoomiyaha Midowga Afrika Jiin Bing oo ka hadlay shirka ayaa sheegay in si wadajir ah ay isugu raaceen sii kordhinta waqtiga Ciidamada Soomaaliya jooga dhamaan xubnaha Ururka Midowga Afrika.
Mr Bin ayaa sidoo kale sheegey in Beesha Caalamka looga baahanyahay in ay taageerto Ciidamada Nabad ilaalinta Midowga Afrika ka jooga Wadanka Soomaaliya.
Waxa uu sheegay Jan bing in ay filayaan Ciidamo dheeri ah oo ka imaanaya Wadamada Afrika oo qeyb ka noqonaya Ciidamada Midowga Afrika ee hada jooga soomaaliya, waxaana uu sheegay in Wadamada Burundi iyo Uganda ay diyaar yihiin in ay Soomaaliya u soo diraan Ciidamo dheeri ah Soomaaliya.
Waxa uu sheegay in ay haatan qorsheynayaan in ay soo dhameystiraan 8-kun oo Askari islamarkaan horay loo dejiyay in loo soo diro Dalka Soomaaliya si ay u gutaan waajibaadlkooda shaqo oo ah ay Soomaaliya nabad ku soo dabaalaan.